ਜ਼ਿੰਦਗੀ ਹਰ ਵੇਲੇ ਇੱਕੋ ਜਿਹੀ ਨਹੀਂ ਰਹਿੰਦੀ। ਕਦੇ ਹਾਲਾਤ ਸਾਡੇ ਹੱਕ ਵਿੱਚ ਹੁੰਦੇ ਹਨ ਤੇ ਕਦੇ ਸਮਾਂ ਸਾਡੀ ਪਰਖ ਲੈਂਦਾ ਹੈ। ਪਰ ਜਦੋਂ ਦਿਲ ਵਿੱਚ ਉਮੀਦ ਜਿਉਂਦੀ ਹੋਵੇ, ਤਾਂ ਹਰ ਰੁੱਸਿਆ ਮੌਸਮ ਵੀ ਇੱਕ ਦਿਨ ਮੁਸਕੁਰਾਉਣਾ ਸਿੱਖ ਜਾਂਦਾ ਹੈ। ਰਾਂਝਾ ਹੀਰ ਤੋਂ ਰੁੱਸ ਗਿਆ ਹੋਵੇ ਤਾਂ ਕੀ ਹੋਇਆ, ਦੋਸਤੀ, ਪਿਆਰ ਅਤੇ ਆਪਣੇਪਣ ਦੇ ਰਿਸ਼ਤੇ ਅਜੇ ਵੀ ਸਾਡੇ ਨਾਲ ਖੜ੍ਹੇ ਹਨ।
ਇਨਸਾਨ ਨੂੰ ਹਮੇਸ਼ਾ ਉਸ ਚੀਜ਼ ਦਾ ਦੁੱਖ ਨਹੀਂ ਮਨਾਉਣਾ ਚਾਹੀਦਾ ਜੋ ਉਸ ਕੋਲ ਨਹੀਂ, ਸਗੋਂ ਉਸ ਦੀ ਕਦਰ ਕਰਨੀ ਚਾਹੀਦੀ ਹੈ ਜੋ ਅੱਜ ਵੀ ਉਸਦੇ ਨਾਲ ਹੈ। ਜੇ ਯਾਰਾਂ ਦਾ ਰਾਂਝਾ ਰਾਜ਼ੀ ਹੈ, ਜੇ ਸੱਚੇ ਸਾਥੀ ਨਾਲ ਹਨ, ਤਾਂ ਜ਼ਿੰਦਗੀ ਦੀਆਂ ਰਾਹਾਂ ਹੋਰ ਵੀ ਸੋਹਣੀਆਂ ਲੱਗਦੀਆਂ ਹਨ। “ਕਾਟੋ ਵੀ ਫੁੱਲਾਂ ‘ਤੇ ਹੋਵੇ” ਤਾਂ ਇਹ ਇਸ ਗੱਲ ਦਾ ਸੰਕੇਤ ਹੈ ਕਿ ਕੁਦਰਤ ਵੀ ਤੁਹਾਡੇ ਹੱਕ ਵਿੱਚ ਮੁਸਕੁਰਾ ਰਹੀ ਹੈ।
ਹਰ ਔਖਾ ਸਮਾਂ ਲੰਘ ਜਾਂਦਾ ਹੈ, ਪਰ ਹੌਸਲਾ ਰੱਖਣ ਵਾਲੇ ਲੋਕ ਆਪਣੀ ਮੁਸਕਾਨ ਨਹੀਂ ਗੁਆਉਂਦੇ। ਇਸ ਲਈ ਰੁੱਸਿਆਂ ਦੀ ਚਿੰਤਾ ਕਰਨ ਦੀ ਬਜਾਏ, ਰਾਜ਼ੀ ਲੋਕਾਂ ਦੀ ਕਦਰ ਕਰੋ। ਫੁੱਲਾਂ ਵਾਂਗ ਖਿੜੋ, ਖੁਸ਼ਬੂ ਵਾਂਗ ਫੈਲੋ ਅਤੇ ਜ਼ਿੰਦਗੀ ਨੂੰ ਉਸੇ ਤਰ੍ਹਾਂ ਜੀਓ ਜਿਵੇਂ ਬਸੰਤ ਹਰ ਸੁੱਕੇ ਬਾਗ ਨੂੰ ਫਿਰ ਤੋਂ ਹਰਾ ਕਰ ਦਿੰਦੀ ਹੈ।
ਕਿਉਂਕਿ ਜਦੋਂ ਦਿਲ ਖੁਸ਼ ਹੋਵੇ, ਯਾਰ ਨਾਲ ਹੋਣ ਅਤੇ ਉਮੀਦ ਜਿਉਂਦੀ ਹੋਵੇ, ਤਾਂ ਹਰ ਦਿਨ ਇੱਕ ਨਵੀਂ ਬਹਾਰ ਬਣ ਜਾਂਦਾ ਹੈ।

ਮਿੰਟੂ ਖੁਰਮੀ ਹਿੰਮਤਪੁਰਾ

Author: Times of Punjab24

Times of Punjab 24 is a fast-growing digital news platform dedicated to delivering accurate, timely, and reliable news from Punjab and across the globe.